◾ मुंबई-आग्रा मार्गावर पिंपळगाव येथे कारला अचानक लागलेल्या आगीत संजय शिंदे यांचा झाला मृत्यू
पालघर दर्पण : विशेष प्रतिनिधी
मुंबई: राष्ट्रवादी कार्यकर्ते संजय शिंदे यांच्या गाडीला अचानक आग लागली असून त्याचा दुर्दैवी मृत्यू झाला आहे. मुंबई-आग्रा मार्गावर पिंपळगाव बसवंत टोल प्लाझाजवळ असताना गाडीला आग लागली. ही आग शॉर्टसर्किट मुळे लागली असल्याने समोर आले आहे.
शिंदे यांच्या गाडीला शॉर्टसर्किटमुळे आग लागली. मात्र गाडीत असलेल्या सॅनीटायझरमुळे आगीचा प्रवाह बळावला. यादरम्यान शिंदे यांनी गाडीचा दरवाजा उघण्याचा प्रयत्न केला मात्र सेंट्रललॉक असल्या कारणाने गाडीतून बाहेर येऊ शकले नाही. त्यात बरोबर गाडीची खिडकी देखील तोडण्याचा प्रयत्न केला मात्र हा देखील प्रयत्न असफल ठरला.
गाडीला आग लागली हे पाहताच तेथील स्थानीक लोकांनी अग्निशमन दलाकडे घटनेची माहिती दिली. तेथील नागरिकांनी शिंदे यांना बाहेर काढण्याचा प्रयत्न केला मात्र तो देखील असफल ठरला. अग्नीशमन दलाने आग विजवली तेव्हा संजय शिंदे यांचा दुदैवी मृत्यू झाल्याची माहिती समोर आली आहे.
