पालघर दर्पण , प्रतिनिधी
मुंबई : तारक मेहता का उल्टा चष्मा मालिकेला लेखक अभिषेक मकवाना यांनी मुंबईत आपल्या राहत्या घरी गळफास घेऊन आत्महत्या केली असल्याचे समोर आले आहे.
तारक मेहता का उल्टा चष्मा ही मालिका बहुतांश प्रेक्षकांची पसंतीची मालिका आहे. या मालिकेची टीम मोठी असून एक नव्हे तर अनेक लेखक या मालिकेत काम करतात. त्यातील अभिषेक मकवाना या लेखकाने गळफास घेऊन अत्म्यहत्या केली आहे. अभिषेक चे असे अचानक जगाला निरोप घेण्याने टीव्ही इंडस्ट्रीत हळहळ व्यक्त होत आहे. आत्महत्या करण्या अगोदर अभिषेकने पत्र देखील लिहले असल्याचे समोर आले. मात्र आत्महत्येचे कारण पत्रात लिहिले नव्हते.
मात्र अभिषेक च्या कुटुंबियांनी अभिषेक एका सायबर घोटाळ्यात अडकला असल्याचे सांगितले. त्यात त्यांची आर्थिक फसवणूक झाली होती त्या नंतर सतत फोन येणे असे प्रकारही घडत होते. या सगळ्यामुळे अभिषेक तणावाखाली होते असे देखील कुटुंबियांनी सांगितले. मात्र असे असले तरी आत्महत्येचे नेमकेे कारण समोर आले नाही.
