पालघर दर्पण, प्रतिनिधी
प्रसिद्ध कोरिओग्राफर रेमो डिसुझा यांना काल हृदयविकाराचा झटका आला असून त्यांना मुंबईतील कोकिलाबेन धीरूभाई रुग्णालयात दाखल करण्यात आले आहे. रेमोची अँजिओग्राफी झाली असून आता आयसीयुमध्ये रेमो दाखल झाल्याची माहिती समोर येत आहे .
रेमो डिसूजा हा दिग्गज कोरियोग्राफर असून त्यांनी अनेक बड्या चित्रपटांमध्ध्ये नृत्यदिग्दर्शन केले आहे. त्याच बरोबर तो एक उत्तम चित्रपट दिग्दर्शक देखील आहे. नृत्यदिग्दर्शनासाठी रेमोला तहजीब, स्टुडंड ऑफ द इयर, ये जवानी हे दिवानी, एबीसीडी-२, बाजीराव मस्तानी व कलंक या चित्रपटांसाठी गौरवण्यात आले आहे . तसेच त्याने फ्लाईंग जट, रेस-३, सरप्लस, एबीसीडी, एबीसीडी-२ आणि स्ट्रीट डान्सर या चित्रपटांचे दिग्दर्शनही केले आहे. त्याच बरोबर रेमोने बऱ्याच रिऍलिटी शो मध्ये जज ची भूमिका पार पाडली आहे. झलक दिखला जा, डान्स इंडिया डान्स, डान्स प्लस, नाच बलिये, या सारख्या रिऍलिटी शोच्या माध्यमातून रेमो डिसुझा घराघरात पोचला आहे.
