पालघर दर्पण: विषेश प्रतिनिधी
बोईसर: शिवसेना आमदार यांच्या विषयी वादग्रस्त व्यक्तव्य व गंभीर आरोप केल्याने कार्यकर्तांनी बोईसर येथे वादग्रस्त नेत्याचा पुतळा जाळल्याची घटना घडली आहे. यामुळे बोईसर शिवसेनेत तणावाचे वातावरण निर्माण झाले असुन येणाऱ्या काळात शिवसेनेत मोठा वाद निर्माण होण्याची शक्यता आहे.
शिवसेनेतून राष्ट्रवादी व राष्ट्रवादी तुन पुन्हा शिवसेनेत आलेल्या प्रभाकर राऊळ यांनी शिवसेना आमदार रविंद्र फाटक यांच्या विषयी अपशब्द काढल्याने संतप्त झालेल्या शिवसैनिकांनी प्रभाकर राऊळ यांच्या पुतळ्याचे दहन केल्याची घटना घडली आहे. एका युट्यूब वाहिनीवर दिलेल्या वादग्रस्त मुलाखतीत प्रभाकर राऊळ यांनी निवडणूकी झालेला पराभव व सद्याची पालघर मधील शिवसेनेचे स्थिती याला संपर्क प्रमुख आमदार रविंद्र फाटक यांना जबाबदार धरत गंभीर आरोप केले होते. याच्या जोरदार पडसाद बोईसर मध्ये उमटले असुन बोईसर रेल्वे स्थानक परिसरात बोईसरच्या शिवसैनिकांनी एकत्र जमून जोरदार घोषणाबाजी केली. प्रभाकर राऊळ यांचा प्रतिकात्मक पुतळा बनवुन बोईसर विधानसभा संघटक निलम संखे यांनी प्रभाकर राऊळ यांचा पुतळा जाळल्याने बोईसर मध्ये शिवसेनेत तणावाचे वातावरण निर्माण झाले आहे.
