पालघर दर्पण, प्रतिनिधी
मुंबई : मुंबई व ठाणे शिधावाटप क्षेत्रात राष्ट्रीय अन्नसुरक्षा योजनेतील पात्र शिधापत्रिकाधारकांना नियमित अन्नधान्यासह प्रधानमंत्री गरीब कल्याण अन्न योजनेअंतर्गत मोफत अन्नधान्य मिळणार आहे.
राष्ट्रीय अन्न सुरक्षा अधिनियम, २०१३ अंतर्गत अन्नधान्य मिळण्यास पात्र असलेल्या राष्ट्रीय अन्न सुरक्षा योजनेतील पात्र लाभार्थ्याना जून महिन्यासाठी दिनांक ५ जून पासून आतापर्यंत ३,१४६ मे.टन तांदूळ आणि ४,६५९ मे. टन गहू इतक्या अन्नधान्याचे २० टक्क्ये शिधापत्रिकाधारकांना वितरण पूर्ण करण्यात आले आहे. प्रधानमंत्री गरीब कल्याण अन्न योजनेअंतर्गत राष्ट्रीय अन्न सुरक्षा योजनेतील पात्र लाभार्थ्यांना ५ जून पासून आतापर्यंत २,३९० मे.टन तांदूळ व ३,५५६ मे.टन गहू इतक्या अन्नधान्याचे १५ टक्क्ये शिधापत्रिकाधारकांना मोफत वितरण करण्यात आले आहे. म्हणजेच त्याच लाभार्थ्यांना दोन वेळा अन्नधान्य वितरीत करण्यात आले आहे.
एनईआर शिधापत्रिकाधारकांना देखील शासनाच्या देय परिमाणानूसार अन्नधान्य वितरण करण्यात येणार आहे. मुंबई व ठाणे शिधावाटप क्षेत्रात वास्तव्यास असणाऱ्या सर्व परप्रांतिय स्थलांतरीत पात्र लाभार्थ्यांनी एक देश एक रेशन कार्ड ” या योजनेअंतर्गत व्दारे नजीकच्या अधिकृत शिधावाटप दुकानातून देय अन्नधान्य प्राप्त करून घ्यावे. मुंबई व ठाणे शिधावाटप यंत्रेणतील राष्ट्रीय अन्नसुरक्षा योजनेतील सर्व पात्र शिधापत्रिकाधारकांना त्यांना शासनाकडून देय असलेल्या अन्नधान्याच्या तपशिलाबाबत शासनाच्या http://mahaepos.gov.in या वेबसाईटवरील आरसी डीटेल्स मध्ये जाऊन शिधापत्रिकाधारकांना त्यांचे शिधापत्रिकेकरीता देण्यात आलेल्या १३ अंकी एसआरसी नंबर टाकून खातरजमा करावी. उपरोक्त वितरणासंदर्भात तक्रार
राष्ट्रीय अन्नससुरक्षा सर्व पात्र शिधापत्रिका धारकांना शिधावस्तूपासून वंचित राहू नये याकरीता आवश्यक सूचना सर्व उपनियंत्रक शिधावाटप यांचेमार्फत शिधावाटप यंत्रणेला देण्यात आल्या आहेत. सर्व लाभार्थ्यांना याद्वारे आवाहन करण्यात येते की, अन्नधान्याचा मुबलक साठा उपलब्ध असल्यामुळे पात्र शिधापत्रिकाधारकांनी अधिकृत शिधावाटप दुकानात गर्दी न करता योजनानिहाय धान्य सोशल डिस्टंन्सिंगचा वापर करून तसेच मास्कचा वापर करुन प्राप्त करुन घ्यावे असे आवाहन नियंत्रक शिधावाटप व संचालक नागरी पुरवठा मुंबई कैलास पगारे यांनी केले आहे.
