◼ बोईसर ग्रामीण रुग्णालयात आरोपींना वैद्यकीय तपासणी साठी नेले असता घडली घटना; वाणगाव पोलिसांचा बेजबाबदार पणा उघड
पालघर दर्पण: विषेश प्रतिनिधी
वैद्यकीय तपासणीसाठी बोईसर ग्रामीण रूग्णालयात वाणगाव पोलिसांनी आणलेला आरोपी पोलिसांच्या बेफिकिरी मुळे फरार झाल्याची धक्कादायक घटना घडली आहे. अशा घटनेमुळे सराईत गुन्हेगारांना वैद्यकीय तपासणी साठी नेताना पोलिसांचा बेजबाबदार पणा दिसुन आला आहे.
वाणगाव पोलीस ठाणे हद्दीतील बावडा परिसरातील दरोड्यातील अटक असलेल्या चार आरोपींंना वैद्यकीय तपासणी साठी बुधवारी चार मार्च रोजी बोईसर येथील ग्रामीण रुग्णालयात नेण्यात आले होते. यातील एक आरोपी संतोष देवल्या वडकर हा पोलिसांच्या बेफिकिरी मुळे पोलिसांच्या हातावर तुरी देऊन फरार झाल्याची घटना घडली आहे. संतोष वडकर या आरोपीने आपल्या हातातील बेडि पोलिसांची नजर चुकवून अलगद काढून घेतली व रुग्णालयात असलेल्या गर्दीचा फायदा घेऊन पोलिसांना धक्का मारुन दवाखान्याची भिंत ओलांडून पळून गेला असल्याची माहिती पोलिसांन कडुन दिलेल्या प्रसिद्धी पत्रात म्हटले आहे. याप्रकरणी बोईसर पोलिस ठाण्यात गुन्हा दाखल केला असून पुढील तपास सुरू आहे.
