पालघर दर्पण: प्रतिनिधी
बोईसर: घरातून रात्री जेवण करून निघालेल्या युवकांचा चार दिवसानंतर निर्जंन स्थळी मृतदेह सापडल्याने बोईसर परिसरात एकच खळबळ उडाली आहे. बुधवारी सायंकाळी औद्योगिक क्षेत्रात असलेल्या मैदानात झाडी झूडपात हा मृतदेह सडलेल्या अवस्थेत आढळून आला असून बोईसर पोलीस घटनास्थळी दाखल होऊन अधिक तपास करत आहेत.
बोईसर परिसरातील अवधनगर रोशन गँरेज गल्ली येथे राहणारा शिवरत्न राँय (उर्फ शिवम) हा शनिवारी रात्री 9 वाजता घरात जेवण झाल्यानंतर पब्जी खेळत असताना मित्रांने बाहेर बोलवले होते. शनिवारी रात्री घरातून बाहेर गेलेला शिवरत्न हा पुन्हा घरी आला नसल्याने त्यांच्या घराच्यांनी बोईसर पोलीस ठाण्यात शिवरत्न बेपत्ता असल्याची तक्रार दाखल केली होती. मंगळवारी याबाबत तक्रार बोईसर पोलिसांनी दाखल केल्यानंतर बुधवारी सायंकाळी शिवरत्न चा मृतदेह सडलेल्या अवस्थेत तारापूर औद्योगिक क्षेत्रात असलेल्या गंगोत्री हाँटेल समोरील मैदानात मृतदेह आढळून आला आहे. याबाबत अधिक तपास बोईसर पोलीस करत असून मृतदेह ताब्यात घेण्यात आला आहे.
